【香港好去處】P助與粉紅兔兔繽紛跑2022報名攻略:早鳥優惠+CP超高跑手包

除左上回介紹既Minions Run之外,2022年亦有激萌P助與粉紅兔兔繽紛跑活動(Ksarunhk),而且係香港限定!係2022年1月23日,沙田科學園開跑!除左跑步仲有攤位戲,巨型打卡位!報名活動則有CP值超高跑手包,而首三日報名仲有早鳥優惠。即睇內文報名攻略啦!

P助與粉紅兔兔繽紛跑2022  詳情

Kanahei’s Small animals由日本插畫家kanahei所創作,樣子激萌而紅遍大人細路之間。宜家仲有香港限定既實體跑活動,非常適合一家大人,或者情侶朋友去參與。除左跑步之外,場地內亦有巨型P助同粉紅兔兔吹氣公仔,順便打卡啦!

活動日期:2022年1月23日(星期日)

活動時間:8:00am-5:00pm

活動地點:沙田科學園

賽事內容及跑手包一覽

是次活動有計時賽同歡樂跑(非計時),計時賽有5公里及3公里可選,指定起跑時段組別更可以競逐獎項,男女子各頭三名。唔擅長跑步又志在參與既可以選擇歡樂跑,只有1.5公里。跑手除左按住自己喜好選擇賽事之外,亦可以留意一下唔同組別有唔同跑手包,裡面包括既物品都唔一樣。(點圖放大)

P助與粉紅兔兔繽紛跑2022 報名早鳥優惠

報名時間由11月10日早上10:30開始,凡於報名期首3日(即2021年11月10日至12日)成功報名的參賽者,均可獲得粉紅兔兔.別注版酒精搓手液掛套(連空樽)一個。數量有限,先到先得。

 

資料來源:

Kanahei’s Small animals – Bun Fun Run HK 2022 | Facebook

Kanahei’s Small animals – P助與粉紅兔兔繽紛跑 – 2022@香港限定 (ksarun.hk)