分類: 香港景點

Sanrio兩大人氣角色Ahiru No Pekkle 及 Pochacco全新造型現身 14尺高雪糕甜筒等打造4大打卡區 主題期間限定店 必搶200部限量夾公仔機 約會必到甜蜜美食市集

召喚全港Ahiru No Pekkle及Pochacco粉絲!Sanrio 2大人氣角色將會驚喜現身YOHO MALL,首次以萌爆甜品大師造型,與您共度至Sweet浪漫時光!由5月上旬至6月5日,商場為各位期待已久的粉絲帶來「Ahiru No Pekkle · Pochacco甜蜜約會 AT YOHO MALL」2位可愛甜品教主將會穿梭場內多個色彩繽紛的超夢幻打卡裝置,與大家暢遊4大至SWEET甜品區,共度春日甜美時刻!想將心愛角色精品回家? 場內設有「Ahiru No Pekkle · Pochacco精品店及美食市集」,超過20款主題精品及美食於場內獨家發售,粉絲們更萬勿錯過一系列全新推出的會場獨家精品!

與Ahiru No Pekkle及Pochacco甜蜜約會 14尺高雪糕甜筒留下美好憶記
與Ahiru No Pekkle和Pochacco的甜蜜約會由YOHO MALL I & II中庭展開,巨形甜品屋一系列甜點主題裝飾盡入眼簾,顧客穿梭於大型朱古力、波板糖及曲奇等美食,彷如置身童真滿溢的夢想國度。甜品屋入口由化身甜品教主的Ahiru No Pekkle及Pochacco正在迎接大家,拱門旁邊的一排印有角色造型的巨形朱古力,十分可愛。大家不妨與2位萌爆人氣角色打卡合照,留下溫馨的心甜回憶!

女生們更可親臨「魔幻曲奇盒」,一嚐各款新鮮出爐的曲奇餅!活潑可愛、穿上一身甜品大師裝束的Ahiru No Pekkle及Pochacco已於14尺高的「紅粉至『趣』甜筒」前恭候大家,為各位炮製多款讓人心思思不可不試的甜點!可愛的Pochacco正坐在曲奇餅上品嚐美味的冬甩,而佻皮的Ahiru No Pekkle則忘形於巨型冬甩及士多啤梨蛋糕的愉悅中,大家更不可錯過與印有他們造型的馬卡龍及棒棒糖合照,與摯愛共享幸福之感!

來到YOHO MALL I 的「至萌甜筒世界」,可愛的Ahiru No Pekkle及Pochacco趣緻化身了甜筒雪糕球,伴著不同的新鮮配料,瞬即成為全場最注目的雪糕甜點!2大角色更於甜筒前跟大家揮手打招呼,邀請各位來一個難忘又甜蜜的約會,共度春日快樂時光,必定「溶」化大家的心!

「Ahiru No Pekkle · Pochacco期間限定店」獨家全面睇 「甜蜜美食市集」延續浪漫之約
想一擁心愛的角色回家?YOHO MALL I & II均設有期間限定店,發售過200款Ahiru No Pekkle、Pochacco及Sanrio產品,當中超過20款全新推出之主題精品及食品,粉絲定必怦然心動,保證滿載而歸!位於YOHO MALL II中庭的限定店專售是次活動獨家限定產品,包括破天荒推出限量200部迷你夾公仔機,造型吸睛之餘更可一考大家身手,好友們不妨比試一下,鬥快夾取主題造型公仔;當然少不了好味又實用的「甜品便當」、「布甸連冰袋套裝」及「曲奇禮盒連環保袋套裝」!

而「甜蜜美食市集」則雲集超過7間人氣美食攤檔,出售多款為是次市集特製的主題限量版甜點,包括「特別口味芝士蛋糕」及「限量版香港糯米糍」等,帶來非一般的味覺體驗!

YOHO MALL「Ahiru No Pekkle · Pochacco甜蜜約會」主題裝置
日期: 2022年5月上旬至6月5日
時間: 上午10時至晚上10時
地點: YOHO MALL I及II中庭
 
Ahiru No Pekkle · Pochacco期間限定店
日期: 2022年5月上旬至6月5日
時間: 上午11時至晚上9時
地點: YOHO MALL I及II中庭
 
甜蜜美食市集
日期: 2022年5月上旬至6月5日
時間: 上午11時至晚上9時
地點: YOHO MALL I中庭

【香港好去處】港版天空之鏡-大嶼山貝澳 超靚秘鏡打卡半日遊 | 舒適露營車(內有交通建議)

呢排疫情咁嚴重,好多場所都關晒門,但係又想外出行下!

咁樣唯有去郊區行下啦,但係身體有不適絕對唔建議外出喇。

小編就講下大嶼山貝澳啦!

貝澳呢個地方,其實一啲都唔陌生,細細個中學讀書/OCamp時,總會一大班人去渡假屋/沙灘玩
以前仲會摸蜆,摸一摸就勁多,超好的回憶

但已經好耐無去啦,今次就趁假期重新去下,睇下咩環境,再介紹比大家。

 

港版天空之鏡-大嶼山貝澳
貝澳呢個地方真係超靚!佢位於大嶼山南邊,有一個超長的淺灘,一到日落/退潮時,就可隨意影到天空之境靚相!

 

交通:前往貝澳方法

東涌出發的朋友,可以選擇在大嶼山巴士站乘搭前往梅窩 3M 巴士,於新圍村下車;

不過,如果由市區出發的話,那一定在中環乘搭梅窩的渡輪,再轉乘以下任何的大嶼山巴士,在新圍村下車。

直接的士去貝澳沙灘前可落車 – 車費 $80-100左右

*遊玩時,謹記愛惜大自然,注意個人安全和遵守秩序,就可以玩得開心又放心啦!

 

貝澳JK Club露營車

露營車預訂網址

 

應該有唔小朋友都鐘意露營,但係又唔想咩野咩得咁辛苦,咁露營車係一個幾好既選擇。


露營車資訊

JK Club提供3款露營車,包括2人、4人及5人車
露營車內有冷、暖氣、羽絨被、藍牙音響設備
浴室有暖水淋浴,即使冬天去露營都唔洗擔心

價錢方面 :

2人車 $1,299 (星期一至四)/$1,699 (星期五至日)
4人車 $1,999 (星期一至四)/$2,499 (星期五至日)
5人車 $1,999 (星期一至四)/$2,499 (星期五至日)

宜家疫情問題建議去致電問清楚最好

地址 : 大嶼山貝澳老圍村20D(顯示地圖)
電話 :9441 6025
網址 :貝澳JK Club露營車
開放時間 : 入住時間(16:00) ; 離營時間(13:00)

【中秋好去處2021】5大中秋花燈打卡好去處

中秋佳節除左賞月之外,睇花燈亦是中秋傳統活動。今次小編就介紹5大中秋花燈好去處,包括大澳水鄉花燈節、黃大仙中心三點五米高巨型花燈、新都會廣場有巨貓cat walk、希慎廣場3米高燈籠陣、觀塘裕民坊1.5米高巨型兔燈籠。

中秋好去處2021 中秋花燈篇

1. 大澳水鄉花燈節

大澳水鄉花燈節由「大澳非茂里」及「香港開心D」聯乘舉辦,為期三個月的花燈節將會舉行一連串活動,包括手繪燈籠工作坊、市集、文化體驗團等。成個大澳由吉慶街伸延至大澳各條小街都會掛上超過800個燈龍,而燈龍係由區內街坊幫繪畫。由9月11至9月30日期間,每晚6點半就會亮起花燈,記得mark低時間到時瘋狂打卡影相啦!

亮燈日期及時間:2021年9月11至9月30日(6:30pm – 9pm)

地點:大澳吉慶前街

2. 黃大仙中心「燈映秋夕」

黃大仙中心連同黃大仙祠聯同舉辧大型中秋花燈活動,今年亦係黃大仙祠創立一百周年,特別推出「嗇色園黃大仙祠百周年紀慶花燈廟會」,所以無論商場定係祠堂內外都設置大量花燈。由即日至10月4日,黃大仙中心設置高3.5「燈映秋夕」巨型花燈互動裝置,裡面有多組天燈同多角度鏡子,天燈更隨住大家既動作而改變顏色,如走進萬花筒世界。另外9月18日至9月24日,黃大仙祠花燈廟會有攤位遊戲,集齊印章可獲得天燈小禮品一份。

3. 新都會廣場 喵喵遊園會Meow Plaza

貓奴們有福啦!新都會廣場於9月12日至10月31日期間舉行「喵喵遊園會Meow Plaza」,6大超萌打卡位包括360度零死角巨貓cat walk準備踏上16米長喵之秋橋,想拍攝巨貓最佳位置係空中花園既「貓貓瞭望台」,有25隻喵星人聚集既癒喵島,以及每晚限定夢幻彩光騷。鐘意貓貓既你可以係Meow Plaza盡情同貓貓享受中秋節啦!

活動日期:2021年9月12日至10月31日

活動時間:上午10時至晚上10時

活動地點:新都會廣場L3 – L4露天廣場及L5空中花園

夢幻彩光騷舉行時間:晚上6時至10時

4. 希慎廣場 「月圓相聚」

希慎廣場4樓特意打造「聚.團圓」燈籠陣,走進3米高,超過500個色彩縯粉既燈籠陣。除此之外,仲有互動裝置:玉兔追月星光座。訪客透過轉動星光座頂部既玉兔燈箱,就會睇到玉兔追月既場景,活靈活現。中秋節不可少得就係猜燈謎,希慎廣場設計「聚.嬉月」猜燈謎遊戲,只要掃一掃QR Code就可以線上猜燈謎。

5. 恆香 ‧ YM2 中秋綵燈會

由 2021年9 月3日至26日期間,恆香與裕民坊 YM2活現中秋文化傳統。除左有500個傳統傳統燈籠打造綵燈隧道,仲有1.5米高巨型兔燈籠,以霓虹燈代替掛於燈籠上既趣緻燈謎,「外國人沖涼」、「老婆婆電髮」、「唔開燈計數」、「餐廳廿四小時營業」你又估得岩幾多個呢?

 

【中秋好去處2021】中秋市集 熊仔頭市集/尖沙咀/灣仔/南豐紗廠/黃埔

中秋節除左室外活動既賞月之外,如果大家鐘意行街可以選擇行下中秋市集。小編為大家介紹幾個市集,包括同Youtuber熊仔頭聯乘合辧市集、南豐紗廠Marketoo x 腔叔大型中秋市集、尖沙咀Mira Place同The One、灣仔茂蘿街同利東街都分別舉行市集。記得Mark低時間地點到時行下市集血拼啦!

中秋好去處2021 市集篇

1. 麥田捕手 x FHProduction – 秋日文化祭2021

人氣Youtuber《FHProduction》聯同麥田捕手一齊舉辦秋日文化祭!成個市集都以熊仔頭同日本祭典元素混合而成。當中有一個2.5米高熊仔頭大月亮,必去打卡之選。由於市集期間實施特別人流管制措施,市集將分為D2 Place ONE 2/F The Space 和 D2 Place TWO G/F The Garage 兩個部分。

FHProduction 將會於D2 Place TWO The Garage 推出限定店、水燈許願池、熊仔頭繪馬架、巨形熊仔頭月亮、祈願盒子、手繪面具工作坊。最特別係秋日文化祭2021提供和服租用體驗,即使無得去日本,都可以著和服瘋狂打卡影靚相啦!

市集日期:2021年9月18日至20日(星期六至一)

市集時間:13:00-21:00

市集地點:D2 Place

2. Marketoo x 腔叔 Fly to the Moon

南豐紗廠將於9月18至19日舉辦大型中秋市集,所有入場人士都可以免費得到由腔叔設計「經濟艙位禮包」,集齊三個印章更可升級至「頭等艙位禮包」,每個禮包均有神秘禮物。

市集參與的本地品牌近200間,有不同種類的手作,有銀飾、耳環、Bagel、永生花精品、陶器、精品擺設、皮茸製品、小食等。除左行街買野,又點少得四大特色手作工作坊,包括霓虹燈工作坊、香水工作坊、月餅燈籠工作坊、流體畫工作坊。做下手工紀念中秋節。而且南豐紗廠係寵物友善市集,中秋佳節帶埋你心愛既毛孩一齊體驗節日氣氛。

市集日期:2021年9月18日至19日(星期六至日)

市集時間:13:00-20:00

市集地點:荃灣白田壩街45號 南豐紗廠 3樓紗廠公園The Park & M樓室內

網址:<點此>

3. SOHO MARKET FULL MOON MARKET

位於尖沙咀有市集圍繞月滿/中秋主題的原創手作、應節食品、花藝布藝、盆景植物、鈎織皮革、咖啡花茶、烘焙糕餅、護膚肥皂以及寵物飾品等手工創作。

市集日期:2021年9月18-19, 21-22, 25-26日

市集時間:12:00-20:00

市集地點:尖沙咀彌敦道100號 The ONE UG2中庭

網址:<點此>

4. Mira Place x LOCOLOCO 圓創中秋市集

尖沙咀Mira Place舉行《圓創‧ 中秋市集》,主要出售同中秋及賞月相關既手作產品,以及各種應節食品及包裝食品如曲奇、各種零食等,之後就可以就一邊食一邊賞月。當中必睇「椛」的盆景設計及微景觀生態、「C’est la Vie COFFEE」的咖啡豆及咖啡道具、「wonderfulgarden」的押花手作,以及「Kakagreen」天然護膚產品,種類頗多元化。

市集日期:2021年9月18-19, 22日

市集時間:12:00-20:00

市集地點:尖沙咀美麗華廣場B1中庭

網址: <點此>

5. 人月兩豚圓 中秋主題市集

係茂蘿街既市集有大量唔同類型既活動,包括集合50多個本地手作攤位,本地同台灣插畫師聯乘推出既扭蛋區,隨機筆友明信片活動、古典即影即有影服務體驗,係呢個中秋佳節留住你既倩影。仲有集點遊戲,市集限定紀念品及打卡位。除左影相買野,仲有7個工作坊可以參加:製作燈籠、沙瓶畫、浮空中的永生花、水晶土彩虹瓶、風鈴、拇指琴及海棠花瓶子夜燈。

市集日期:2021年9月18-19日

市集時間 : 13:00-20:00

市集地點 : 灣仔茂蘿街7號 – G/F (戶外空間)、G/F 及 2-4/F (室內空間)

網址:<點此>

6. 麥田捕手假日市集 x Make-A-Wish – 慈善市集 利東手作街

麥田捕手假日市集聯同「Make-A-Wish Hong Kong 願望成真基金」,除左有手作工作坊,市集更集合本地手作及設計品牌,包括純手工皮革耳環專賣店「1.eather 皮•一點」、主打手造陶器的「青木商店」、本地原創 macramé 編織飾物品牌「ootoo 」、軟陶飾物店「bi clay」等,當然唔少得中秋節慶產品,購物之餘,亦可以了解及支持「Make-A-Wish Hong Kong 願望成真基金」。

市集日期:2021年9月18-19日

市集時間 : 12:00-19:00

市集地點 : 灣仔利東街 (戶外)

7. 兩豚圓中秋文藝市集

如果你好鐘意食水產咁就一定要黎由火柴盒市集共同體主辦的兩豚圓中秋文藝市集,九號水產集食肆、食材零售、漁港探知館、烹飪工作坊於一身,家長可以帶小朋友去行逛認識海鮮知識。鐘意買野既朋友都可以係呢佔地5萬多呎的水產市場九號水產買到本地自家品牌,又可以找到來自不同國家的特色商品和手工藝品。今個中秋一於跟親朋好友一起去逛兩豚圓中秋文藝市集啦!

市集日期:2021年9月18-19日

市集時間:11:30-19:30

市集地點:黃埔天地百合苑商場第9期G1-9及G17-18號舖

【中秋好去處2021】中秋好去處及打卡點:賞月篇

仲有十日就中秋節啦,相信大家都係度諗緊中秋去邊度賞月。小編就為大家整理左港九新界多個中秋賞月選擇,有海濱長廊、公園草地等戶外靚風景,俾各位有idea去計劃黎緊既中秋節安排。希望各位無論同家人、朋友、定係伴侶有一個愉快充滿快樂回憶既2021年中秋節啦!

中秋好去處2021 賞月篇

平時生活節奏忙碌既香港人,忙著垂頭睇電話,有幾耐無好好咁欣賞過天上既月亮呢?不如就趁中秋節搵個靚位,同你重要既人一齊賞月,談天說地啦!

1. 數碼港海濱公園

住港島既朋友可以選擇環境較為清幽既數碼港海濱公園。一望無際的草地非常適合影相同野餐,仲可以帶狗狗係一個大草地自由奔放!趁著中秋時分,一個地方滿足到睇海睇日落同賞月。

地址:鋼綫灣數碼港道 100 號(查看地圖

交通:港鐵黃竹坑站 B 出口,沿天橋過到黃竹坑道乘 69A 小巴或 73 城巴,貝沙灣站下車。

2. 西九文化區

交通較為方便既西九文化區相信大家都唔陌生,西九既藝術公園一向是港人週末好去處。係草地上欣賞海濱長廊的無敵維港海景,中秋夜來野餐、賞月更有氣氛。就算唔野餐,附近一樣有唔少 café 和輕食店,外賣到草地食都非常方便。藝術公園是寵物友好的,想帶同狗狗來共度中秋也可以!

地址:西九文化區藝術公園及海濱長廊(查看地圖

交通:港鐵九龍站 E4 或 E5 出口,沿著雅翔道步行至行人天橋,橫過天橋即可抵達。路程需時約十分鐘。亦可在九龍站公共運輸交匯處乘 26D 或 74D 專線小巴到西九文化區藝術公園。

3. 佐敦谷公園

佐敦谷公園係觀塘區最大既公園。因為有過萬平方米既草坪,較少高樓大廈係附近,所以被稱為市區中的綠洲。係佐敦谷公園可以一覽無盡既天空景色。而且除左賞月,公園另一著名打卡位是自然保育園地,還有杜鵑園、四季花園、迷宮花園、園藝教育中心及大型遙控模型賽車場等設施,尤其適合親子游玩的好去處。

地址:九龍觀塘新清水灣道 71 號(查看地圖

交通:從港鐵彩虹站出發乘 27 或 29M,也可以從觀塘站出發乘 23 號巴士

4. 大埔海濱公園

如果唔想係市區,但又唔想去到咁偏僻,可以選擇康文署轄下最大的公園:大埔海濱公園。大片草地讓小朋友任意跑、放風箏,一家大小來最適合不過。和知己一起聊天看海、和另一半欣賞中秋圓月,寫意又舒適。

地址:新界大埔大發街(查看地圖

交通:從大埔墟站乘 K17 港鐵接駁巴士到富善總站,下車後步行約 10 分鐘即到。

5. 將軍澳單車館公園

將軍澳單車館公園唔單止係香港著名賞櫻之地,亦是推薦的賞月勝地!園內有廣闊的草坪及人工湖,吸引唔少該區居民到此野餐,非常方便。同時公園設有多個運動娛樂設施,包括露天劇場、兒童游樂場、緩跑徑及運動攀登牆等,大人聊天賞月,小朋友可以盡情玩樂放電!

地址:將軍澳寶康路105-107號(查看地圖

交通:港鐵坑口站,步行約5~10分鐘

6.屯赤隧道

被稱為港版亞密的屯赤隧道自開通以來,成為打卡新。全因有一條超長沿海壩之外,仲有一大片草地同一排棕櫚樹,加上炎熱晴朗天空,令人如置身於邁亞密。係呢度唔單止附近無高樓大廈,視野非常廣闊,將成為今年中秋全新賞月勝地。

地址:屯門浩和街(查看地圖

交通:屯門港鐵站乘坐K52巴士至望后石站下車,步行20~25分鐘至浩和街

 

【渣打馬拉松2021】現正接受公眾抽籤及傷健人士報名 內附報名詳細內容

因疫情停辦及延期的渣打香港馬拉松終於再度回歸!渣打馬拉松2021將於10月24日復辦實體賽事。由9月2日早上10時起至9月6日晚上7時,正式接受公眾抽籤及傷健人士名額報名。全馬、半馬及十公里的賽事的報名費分別為HK$450、HK$400和HK$360。參加者可以到大會網站登記。

渣打馬拉松2021-現正接受公眾抽籤及傷健人士報名

今年賽事一樣維持馬拉松、半馬拉及10公里賽事,一共有18,500參賽名額。當中有一半名額已預留給2020年渣打馬拉松的成功報名者,並在8月23日至27日報名。由於今年名額比去年少,如果未能成功報名的朋友不要灰心,預留名將可保留至2022年賽事。而且渣馬大會將首度舉辦虛擬馬拉松,可以同全球各地跑手一齊再起跑!

報名日期及時間:9月2日10:00至9月6日19:00

結果公布:9月10日14:00起

報名網址:Standard Chartered Hong Kong Marathon 2021 (hkmarathon.com)

傷健人士報名注意:

– 名額為先到先得

– 記得遞交「殘疾人士登記證」(雙面)電子副本

– 視障人士申請時,要同時提名領跑員

渣打馬拉松2021 防疫措施

為配合政府防疫措施,並參考多個國際馬拉松賽事的最新防疫規定,所有參與實體賽事的跑手須不遲於比賽前14天﹙即10月10日﹚完成接種政府認可的新冠疫苗。

成功分配名額的參賽者必須於領取選手包當日親身提交以下文件:

1. 疫苗接種紀錄

2. 確認於過去21天未有到訪香港以外地方的健康申報表,賽前72小時以內完成政府認可的新冠病毒的核酸檢測*

*檢測詳情將於稍後公佈

渣打馬拉松2021賽事詳情

組別 馬拉松 半馬拉松 10公里賽事
名額 4,000名 6,500名 8,000名
起點 尖沙咀彌敦道 西隧九龍收費廣場[全新!]
終點 維多利亞公園

渣打馬拉松2021 報名費、取消及退款安排

實體賽事報名費將維持不變(各賽事報名費請參閱官方網頁),而虛擬跑的報名費則為實體賽事的一半。一旦實體賽事因疫情或其他因素影響而被迫取消,大會將作出以下安排。

  • 若實體賽事於比賽舉行14天前(即10月10日或之前)取消,跑手可獲50%報名費退款。
  • 若實體賽事於比賽舉行前14天內(即10月10日後)取消,所有跑手將不獲退款,但可免費獲得虛擬跑名額。

首度新增渣打馬拉松虛擬跑

雖然場地所限,但為鼓勵全民運動,加上科技的普及,首度新增虛擬跑!渣打馬拉松虛擬跑賽事將於10月25日至11月14日舉行,同樣設有馬拉松、半馬拉松及10公里三種距離組別可供選擇,名額也是先到先得。年滿十六歲的人士可於9月15日上午10時起經大會網站登記,並於活動期間完成所選的里數,不限地點。參加者須利用大會指定流動應用程式紀錄跑步過程,經核實後可獲取電子證書、大會紀念T恤及完成獎牌。

 

【展覽2021】Trial and Error Fest 2021「阿窿 not alone」 海量展覽 x 工藝體驗 x 「試錯」活動 x 市集 x 分享會

Trial and Error Lab在今年8月盛夏,堅持在困境中繼續嘗試。今年首次舉辦主題展覽「每個人的心裡都有狒狒」,與定居台灣的香港插畫師「tui franc 頹飯」合作,表達緊張與恐懼乃人之常情;你與我在困難中並不孤單。同時,再次聯乘突破書廊,以及各位實驗室伙伴,以各種創意方式展示在逆境中的嘗試。誠邀你來圍爐共聚,看看一羣仍然堅持的青年,願他們的勇氣能鼓勵你走下去。

Trial and Error Fest 2021 海量展覽 x 工藝體驗 x 「試錯」活動 x 市集 x 分享會

 主題展覽:《每個人的心裡都有狒狒》

Trial and Error Lab共同創辧人之一王育娟(阿絹),內心是一個動物園,其中「狒狒」代表她緊張的情緒。自從2016年10月起,Trial and Error Lab開辦的那一天開始,直至今年7月,她心中的「狒狒」跑了出來57個月,再也沒有回到動物園的山窿裡。

日期 2021年8月16日至9月12日
時間 11am-8pm
地點 佐敦吳松街191號突破中心地下走廊
費用 免費參觀

「You are not alone」手作市集

頹頹頹!攰攰攰!忙忘亡?!唔想咁,又可以點先?來「You are not alone 手作市集」,行行街、圍圍爐。本土手作人以作品代替鼓勵,讓你從文創產品中感受溫度,又有力量繼續堅持,一起走下去!

市集更特設3個工作坊,讓你嘗試做一天手作工藝師,感受文創溫度,從創作支取力量!

日期 2021年9月4日至5日(六、日)
時間 1pm – 7pm
舉行地點 佐敦吳松街191號突破中心地庫(B/F)及一樓(1/F)
費用 免費參加

20-21年度實驗室伙伴作品展覽

每年的公眾活動也是一個平台讓 Trial and Error Lab 計劃參加者(稱「實驗室伙伴」)展示其試錯成果。今年他們一共策劃12個展覽,呈現過去一年的成長與創作;即使世界很灰很頹,希望這一班仍然堅持的人的努力和勇氣,能夠鼓勵你堅持在困境中繼續嘗試!

日期 2021年8月16日至9月12日
地點 佐敦吳松街191號突破中心地下及1樓
突破書廊(G/F)開放時間 星期一、三至六:11am – 8pm
星期二:12:30pm – 8pm
星期日及公眾假期:12:30pm 6:30pm**書廊如有活動會提早關門,記得參觀前查一查啊!詳情請參閱突破書廊網頁:facebook.com/btgallery
Trial and Error Lab(1/F)開放時間 8月16日至9月12日 11am – 8pm
費用 免費參觀
如參觀Trial and Error Lab (1/F) 展覽,請預約或到場登記

https://bit.ly/fest2021-booking

Trial and Error Fest 還有大量分享會,有興趣的朋友可以前往網站留意:Trial and Error Fest 2021 – Trial and Error Lab

【香港好去處|展覽】百萬人氣IG Artist-Keigo Open House展覽門票/優惠套票 低至7折

百萬人氣IG Artist @ K5fuwa 係香港有展覽啦!由2021年9月8日至11月30日期間,全館一共有5大主題區域,10個打卡熱點,而且仲有神祕互動裝置、Keigo特色料理、場內限定紀念品,讓你置在趣怪生活空間!宜家Trip.com獨家售票,仲享有低至7折優惠!

【香港好去處|展覽】百萬人氣IG [email protected] Open House

大家仲記唔記得治癒系插畫鱷魚及長頸鹿先生呢?IG擁有百萬人氣Artist @k5fuwa以治癒清新風格畫出生活的無奈中的笑點。Keigo係一個日本插畫師,由2021年起每日都會係個人Instagram上分享畫作,唔單止有鱷魚,仲有好多唔同動物例如長頸鹿、兔仔、熊貓,然後將佢地擬人化,然後用幽默形式畫出佢地生活上既難處,畫作絕對會令你會心微笑!

係呢個展覽入面可以觀賞到眾多 Keigo 家族成員,脫離IG框框,係嶄新文化休閒熱點 Artzbrew 為家,將插畫既幽默情節以真實世界比例呈現係你眼前!

Keigo Open House @ Artzbrew

展覽日期:2021年9月8日至11月30日

展覽時間:週一至週日 10:00 – 19:00(最後入場時間為 18:00)

展覽地址:Artzbrew | 香港皇后大道西 118 號

預訂門票:<點此>

展覽仲有Keigo絕密手稿,可以俾大家了解一下究竟咁趣怪既插畫係點樣創作出呢?

除左睇又點可以少得食呢?一系列Keigo主題珈琲、飲品同造型主食,唔單止食仲可以瘋狂打卡!

如果係Keigo fans既話更加唔可以錯過Keigo專門販賣店,內場有獨家發售既figures,強烈建議買返隻,放係公司或者屋企,得閒望到都可以治癒下心情。

買完figure,又可以買Keigo親筆簽名版畫。

買咁多野更係要買埋個Tote Bag袋起哂啲戰利品啦!

雖然口罩無得唔戴,已經變成生活既一部分,既然避唔到就不如買個靚靚Keigo口罩,等自己心情都好啲!

場內仲有好多展覽限定紀念品,可以讓你生活增添多一點點樂趣。

更多精彩圖片

預訂門票:<點此>

【南豐紗廠】走進伊藤潤二的詭異世界 體驗館活動日期時間/購票方法/早鳥優惠/活動詳情

講到恐怖漫畫應該無人唔識日本恐怖漫畫大師伊藤潤二,相信大家都對佢又愛又恨,覺得好恐怖但又好想睇!正當十月萬聖節期間,南豐妙廠特別呈獻「走進伊藤潤二的詭異世界」,以漫畫場景為主題,將每個展區都佈置成1:1漫畫故事其中一格,讓觀眾好似身在其中,體驗伊藤潤二筆下既詭異世界。

「走進伊藤潤二的詭異世界」 體驗館活動詳情

日期:2021年10月1日至10月31日

地點:南豐紗廠M層 The Annex  (荃灣白田壩街45號)

場次:

周末及公眾假期,每日13場,每場30人,參觀時間30分鐘

12:00 / 12:40 / 13:20 / 14:00 / 15:20 / 16:00 / 16:40 / 17:20 / 18:00 / 18:40 / 19:20 / 20:00 / 20:40

星期一至五,每日11場,每場30人,參觀時間30分鐘

13:00 / 13:40 / 14:20 / 15:00 / 15:40 / 16:20 / 17:00 / 17:40 / 18:20 / 19:00 / 19:40

早鳥優惠:港幣150元正    (8月19日至9月5日)

門券價格:港幣180元正    (9月6日公開發售)

<立即購票>

購買入場門券可以獲得南豐紗廠 X 伊藤潤二別注版茶巾乙條。茶巾既設計融合左南豐紗廠建築特色同伊藤潤二漫畫人物,除左表達日本傳統文化之外,仲帶出紗廠承載的本土紡織根基,充份表現是次展覽的承傳與創新精神,非常有收藏價值。

是次活動會有五個展區,以五個漫畫故事為主題,包括《至死不渝的愛》、《雙一恣意的詛咒》、《蛞蝓少女》、《沒有道路的街道》與《富江‧鬼屋》,當中多個1:1真人比例既漫畫主角模型,加上展區會佈置成同漫畫故事其中一格場景,令觀眾身在漫畫其中。如果想了解更多伊藤潤二同埋漫畫模型作品,可以參觀埋第六個展區。

【Pinkoi Design Fest 2021】Pinkoi十週年 亞洲巡迴展 入場門票/地點時間/內容攻略 入場送月餅

台灣設計商品購物平台Pinkoi十週年啦!3年前係香港舉辦過大型實體活動,今次為左慶祝十週年,實體活動再度回歸!Pinkoi Design Fest 2021將於2021年8月27日至29日,一連三日係九龍灣零碳天地舉辦,佔地16萬呎,當中有大型市集、美學展覽、破格全新打卡點、香港插畫家現場為車身作畫、Miffy同SNOOPY主題快閃店以及台灣美食街!而且入場即送限量布袋及望月月餅!

Pinkoi 突發消息(27/8/2021更新)

因天氣不穩定因素,Pinkoi Design Fest 2021 – 香港站將延期至 10 月至 12 月期間舉行,確實日期及地點將容後公佈。

所有持有早鳥門票之人士可於 28/8 至 29/8 11am – 6pm 入場,於室內觀賞 Pinkoi x XCEPT 沉浸美學展覽《海濤浴》。
➤ 入場觀看展覽人士,均可憑票換領入場禮物包(包括 Pinkoi x 望月特別版月餅換領券乙張,每張可於指定時間及地點換領月餅乙個),數量有限,先到先得。
➤ 不論有否入場觀看展覽,所有早鳥門票仍然生效,客人可於延期之 Pinkoi Design Fest 憑現有門票入場,無須重新購票。
➤ 為感謝每一位保留早鳥門票人士的支持,每保留一張早鳥門票,Pinkoi 將回饋價值 HK$30 之 P Coins(900 P Coins)至購票帳號,作日後購物之用。

Pinkoi Design Fest 2021 8大特色 活動詳情一覽

Pinkoi十週年舉辧全球首個「Pinkoi Design Fest 亞洲巡迴展」實體活動,係2021年8月27日至29日九龍灣零碳天地舉行,場內有超過100間台港特色攤位,展覽,主題館,打卡點等等。

1. 入場即送限量布袋及望月月餅

Pinkoi入場送總值超過HK$100既禮物包,當中包括:

  • Pinkoi 10 週年特別版帆布袋乙個(每日限量 1,500 個,送完即止)
  • 望月月餅乙個(送完即止)
  • 總值 HK$ 35 優惠券(適用於活動現場及網上消費)
  • Bioguard 消毒濕紙巾乙張

2. 全新購物模式-Pinkoi Pay/Atome

過百個攤位買野唔洗用現金!使用Pinkoi APP的Pinkoi Pay內置支付方式,可綁定信用卡或扣帳卡,現在掃一掃就得,而且活動期間首筆消費滿$50減$10!另外Atome係香港首個先享後付App,為用戶提供免息3付款。26/8或之前完成註冊,更可於活期間享高達$70優惠!

3. Pinkoi × XCEPT 沉浸美學展覽《海濤浴》

香港新媒體藝術團隊 XCEPT 為 Pinkoi 度身訂造創新的「XCEPT × Pinkoi 沉浸美學展覽」,以「10 Times Better ME」的概念出發,演繹沉浸式空間藝術《海濤浴》,帶來十倍美好的想像,一生僅此一次的非凡時刻。

4. Pinkoi x MINI 破格全新打卡點

Pinkoi同國際知名汔車品牌MINI合作,同本地設計師Sunny Wong帶來一個驚喜打卡位,記得Tag返#PinkoiDesignFest!

5. 本地插畫家現場作畫

係8月28日(星期六)2點至4點,Pinkoi邀請到本地獨立插畫家,同時是搖滾樂隊觸執毛及 R.O.O.T 的主音 Jan Curious(阿水)於活動現場在 MINI 車身作畫。

6. 初次披露 Pinkoi × Noritake 獨賣聯乘系列

為了慶祝 Pinkoi 10 歲生日,團隊特意邀來日本人氣插畫家 Noritake,從「In The City」出發,以香港、台北、東京三地為題,親自監修 Pinkoi x Noritake 獨賣聯乘系列。實物將首次於會場曝光,萬眾期待!

7. miffy、SNOOPY 主題快閃店

miffy同Snoopy既Fans要注意啦!記得去主題快閃店到買心頭好啦!

8. 台灣美食街

購物又點少得買美食返屋企呢?無得去旅行既香港人係咪好掛住台灣既美食呢?Pinkoi貼心推出台灣美食街,可以選購20個來自台灣既美食品牌,超過100款美食!

由於九龍灣零碳天地佔地都好大,為左更有效率去行哂咁多個地方,唔好錯過每一個店舖,大家可以先睇睇活動地圖,內含包括市集品牌名單。<活動地圖點此>

Pinkoi Design Fest 2021 香港站

日期:2021 年 8 月 27 日至 29 日(星期五至星期日)

時間:11:00 AM – 6:00 PM(最後進場時間為 5:30 PM )

地點:九龍灣建造業零碳天地

票價:早鳥 HK$25|現場 HK$30

※ 新客戶於網上購買早鳥門票,即享 HK$10 折扣優惠 ※

<立即購票>

*重要備註*
1. 活動只限 Pinkoi 會員進場,入場前必須向工作人員展示 Pinkoi APP 的會員登入頁。
2. 12 歲以下小童由一位成人陪同下、65 歲或以上的長者及殘疾人士可免票入場。
3. 寵物只能以寵物車、袋、手抱方式進入活動場地