BANPRESTO EXPO 2021 HONG KONG 開始左啦！由10月19日至11月8日期間，動漫展BANPRESTO EXPO 2021將於K11 Art Mall舉行，佔地兩層，五大展區雲集人氣動漫，包括咒術迴戰、鬼滅之刃、海賊王、我的英雄學院及龍珠。除左打卡位之外，動漫展仲有會場限定或先行發售精美禮品。

動漫展BANPRESTO EXPO 2021 時間地點

BANPRESTO EXPO 2021 會場限定禮品

資料來源：Banpresto Fan Club Hong Kong | Facebook

鏡粉注意！上次麥當勞籃神卡反應熱烈，麥當勞再度同MIRROR合作！由即日起至10月22日下午2點前，只要係麥當勞APP會員係APP內使用指定捐款券，就有機會獲得MIRROR BE 3 Party門票一張！鏡粉們想做善事又想參與MIRROR活動既話即睇內文睇下點拎飛啦！

麥當勞APP捐款$20 抽MIRROR BE 3 Party門票

由即日起至10月22日下午2點前，成功登記麥當勞APP會員，並使用APP內指定捐款券，捐款$20予麥當勞叔叔之家慈善基金 Ronald McDonald House Charities，即有機會抽中MIRROR BE 3 Party門票一張。名額有300個，得獎結果會係10月28日以登記電郵通知。記住只有得獎者本人先可以入場，同埋名額不得轉讓！

MIRROR BE 3 Party係為MIRROR成軍3週年既慶祝活動。派對活動會係2021年11月3日（星期三）下午2時於九龍灣國際展貿中心開始登記入場。

麥當勞捐款抽MIRROR BE 3 Party門票注意事項

• 在2021年10月22日或之前成功登記為麥當勞App會員（註：麥當勞App內的個人QR Code將用作即場核實身份之用）
• 在麥當勞App登記了屬於帳戶本人之有效流動手提電話號碼，相關流動手提電話號碼將用作即場核實身份之用
• 持派對門票者必需是得獎者本人及在入場時通過雙重驗證核對身份
• 參加者必須在派對當日年滿16歲
• 捐款者同意不收取捐款收據作稅務之用
• 獎品將根據預定序列分配。得奬取決於得獎者在該序列中的位置
• 每名合資格參加者只能獲奬一次

香港好去處！鏡粉有好消息啦！由Dream Market尖市集推出以Mirror作為主題既市集，將於10月16日至17日期間，係觀塘The Wave舉辦！佔地5千呎，分別有4大主題：Kpop、Mirror+Error應援，日本韓國台灣食品，流行服飾及本土原創手作。各位鏡粉一定要去呢個Mirror市集啦！

Mirror市集 4大主題 大量Mirror周邊

Dream Market 尖市集寓意一個俾香港人創造及成就夢想既地方。而Mirror熱潮就好似颱風獅子山同圓規一樣，強烈咁吹緊成個香港！有幸Mirror市集不受颱風影響，鏡粉可以趁呢個星期六日到觀塘The Wave逛Mirror應援市集啦！部分攤檔的期間限定紀念品包括短袖Tee，咕𠱸攬枕，小卡，手幅及環保袋，香薰等，所得收益在扣除成本後將全數捐贈予非牟利機構香港「關愛之家」。唔單止可以大量買Mirror周邊，仲有巨型Mirror展板可以俾鏡粉打卡合照。

Mirror市集詳情

時間：2021年10月16日至17日（星期六及日）

地點：觀塘興業街4號 THE WAVE 8樓全層

4大主題：

1. Kpop、Mirror+Error應援

2. 日本韓國台灣食品

3. 流行服飾

4. 本土原創手作

市集活動

除左可以購買同Mirror展板合照之外，Mirror市集場內仲有3個活動。

1. Scan 場內利是QR Code，就有機會拿到不同等值的利是。利是會按不同時段派發，每日合共送出總值HKD 500，送完即止。

2. 場內使用 IG 打卡tag返hkdreammarket IG即送手工皂 / 酒精搓手液乙份，送完即止。

3. 參與打卡者會自動參加當日場內活動，有機獲得到Sudio真無線藍牙耳機一部(名額三個)，玩法可參閱當天場內公佈的遊戲條款及細則。

資料來源：IG@hkdreammarket

K11 MUSEA Gift card現正推出低至5折優惠，只要使用銀聯卡付款即可享優惠，Gift card可用於超過200間指定商戶，包括名牌服飾、電子產品及餐飲。另外小編仲會介紹K11 Musea藝術之旅，由6位著名藝術家及設計師打造一共6個MUSE ROOM打卡點。有興趣既朋友立即睇下文啦！

K11 MUSEA Gift Card 5折優惠 限量開搶

由即日起至11月7日，每晚10點開搶K11 MUSEA Gift Card 5折優惠！只要使用銀聯卡付款即可享優惠。優惠碼數量有限，用完即止。Gift Card涵蓋商戶超過200間，包括尚服飾Balenciaga、Burberry、EVISU、化妝品牌SAINT LAURENT、LA MER、Givenchy Beauty及潮流品牌Adidas、Nike、Patagonia等等。＜K11 MUSEA GIFT CARD指定商戶名單＞

如果搶唔到5折Gift card優惠都仲有其他2個優惠可以使用。

1. K11 MUSEA Gift Card，即可享低至5折優惠。最高折扣額：HK$250。

2. 選購K11 MUSEA Gift Card滿HK$500，即可享9折折扣。最高折扣額：HK$2,500。

3. 選購K11 MUSEA Gift Card滿HK$500，即可享85折優惠。最高折扣額：HK$3,750。

購買網址：＜點此＞

注意：K11 MUSEA Gift Card並不可於K11 ESHOP或任何電子商店上使用，亦不能再充值使用。K11 MUSEA  Gift Card有效期為2022年10月31日。有效期顯示在 Gift Card背面。

MUSE ROOM 6大藝術打卡位

即日起至11月14日，一系列著名藝術家、設計師與生活品牌的跨界合作，當中包括有 A’strick、Jon Burgerman、Nelson Chow、Tony Oursler、空山基及 Joyce Wang，打造6間MUSE ROOM。為你打開夢境之門，與位於海邊的靈感繆斯一同尋夢，探索想像力的無遠弗屆。

時間：11:00-20:00

闊別一年既海洋公園哈囉喂2021強勢回歸！10月1日至10月31日期間，海洋公園Halloween 2021設有4大主題，包括藍妹啤酒呈獻既南神莊園、20週年追魂館、老大街尋兇，以及三大互動刺激體驗。另外海洋公園Halloween設有三個精彩大匯演，同有專業化妝師提供面部彩繪服務，打造萬聖節造型！小編為大家介紹購買海洋公園哈囉喂2021門票優惠及攻略！

海洋公園哈囉喂2021 門票及優惠

係Klook買門票滿HK$500即減HK$50！只要使用此連結到Klook輸入返優惠碼就可以慳返HK$50。

＜購買門票＞

海洋公園哈囉喂景點追加門票可以玩三大互動刺激體驗，包括屍襲逃亡，陰濕奪寶，鬼上身事件簿。但注意哈囉喂追加門票係不包括入場門票。即係如果你想玩齊咁多個遊戲同景點就要買普通門票+景點追加門票。而有全年入場證既朋友就唔洗購買普通門票，但玩埋三大互動體驗的話可以優惠價購入哈囉喂追加門票。

另外追加門票可進入既哈囉喂景點都唔係每日開放，只有10月14至17日、22至24日、29至31日先有，下面再詳細介紹海洋公園哈囉喂2021活動時間，所以想玩海洋公園哈囉喂既朋友要注意返想去既日子同購買邊種門票啦！

海洋公園哈囉喂2021 活動日期

日間體驗：2021年10月1至31日（逢星期二除外）

日連夜驚嚇體驗：2021年10月14至17日、22至24日、29至31日

海洋公園哈囉喂2021活動時間表

日間體驗就除左星期二之外，每日都有，而且可以星期一至四優惠價去但就無得參與夜晚精彩活動啦。

如果你膽大又追求刺激呢就可以選擇星期五至日及紅日，參與哈囉喂晚間體驗直落到10點，再買埋哈囉喂景點追加門票既話就可以玩多三個景點，包括屍襲逃亡，陰濕奪寶，鬼上身事件簿。

約埋三五知已一齊玩，係Klook購票滿$500即減$50！＜購買門票＞

今個Halloween 同左「南神」影相未？

（圖片可左右拉動）

海洋公園哈囉喂2021 屍房菜及主題彩繪

黎到哈囉喂玩足一日，就一定要試下海洋公園內既屍房菜啦。所有食物賣相都以「屍房菜」為主題。平時食既「海鮮炒金邊粉」及「炭燒牛柳伴鴨肝配香草牛油」分別以恐怖稻草人及急凍人腦為造型就以恐怖稻草人及急凍人腦為造型，非常有視覺既衝激。另外又有以血紅眼珠、骷髏骨、鬼怪、南瓜、棺材為主題既菜式。絕對係打卡之選。

海洋公園為左更令入場朋友玩得更投入更開心，有專業化妝師為大家提供面部彩繪服務。無論你想要鬼馬可愛造型定係驚嚇造型都無問題。各位，今年萬聖節準備大玩特玩未呢？

圖片來源：海洋公園

第一個Minions Run 香港站將於12月19日係西九文化區正式舉辧啦！參賽者除左可以同Minions一齊跑之外，仲可以獲得賽事主題限定紀念包一份！場地既遊戲攤位同埋多個打卡點都加入左Minions最愛既香蕉元素，大人小朋友都可以盡情玩同影相！想知道Minions Run活動詳情同埋紀念包內容就即睇內文啦！

Minions Run 香港站 2021 活動詳情

日期：2021年12月19日（星期日）

時間：7:30am – 5:00pm

地點：西九文化區

組別：個人組 (4KM、2KM、1KM) | 孖住組 (4KM、2KM) | 家庭2人組 (1KM)

報名日期：2021年9月28日（星期二）早上10點30分

如果係頭四日（9月28日10:30am 至 10月1日11:59pm為止）成功報名，可以獲得2021環球影城版Minions公仔一個！參加唔同組別就獲得唔同既Minions公仔：

*賽事名額有限，額滿即止

Minions Run賽事詳情

Minions Run參加者必須年滿12歲或以上（即生於2009年或以前），而參加「1KM 家庭 2 人組」既小童必須2021年年滿4歲至12歲 (生於2009年至2017年)及必須由18歲或以上 (生於2003年或以前) 的成人陪同下方可進入跑道及參加賽事。

4km同2km既第1組別先可以競逐獎項，設男、女子組各頭3名獎項（以大會時間）。 所有完成賽事既跑手均可獲得完成賽事獎牌1個 (活動當日領取) 及電子證書。跑手注意起跑時間後15分鐘內要起跑啦。

Minions Run賽事主題紀念包

個人組跑手包

• 活動主題限定跑手Tee 1件
• 襪子1對
• 索繩袋1個
• 口罩套1個
• 運動水樽1個
• 號碼布1個

孖住組跑手包

• 活動主題限定跑手Tee 2件
• 襪子2對
• 運動膠手帶1對
• 不銹鋼露營隨身杯1對
• 索繩袋2個
• 口罩套2個
• 運動水樽2個
• 號碼布2個

家庭2人組跑手包

• 活動主題限定跑手Tee 2件
• 襪子2對
• 兒童背囊1個
• Minions Run 2021 賽事限定紋身貼紙 1套
• Minions 運動主題限定貼紙1套
• 索繩袋1個
• 口罩套2個
• 運動水樽2個
• 號碼布2個

Minions Run限定加購品

如果Minions Run賽事主題紀念包仍然未能滿足你對Minions既喜愛，限定加購品仲有其他款式，包括T-shirt、背心、可收式輕量防曬外套、毛巾連帽、珍藏版襟章、收納袋、香蕉型袋、貼紙。如果你全部都想要？無問題！Minions Run限定Bello套裝仲有特價，只需$728就可以各樣入手一件（原價$828）

介香港人返工咁辛苦真係好應該獎勵自己享受一個奢華又包美食既staycation。宜家小編就為大家精挑細選左7個staycation住宿餐飲優惠套票，包括有文華東方、四季、奕居、黃金海岸、君悅、富衛1881同埋半島酒店。Staycation優惠都有包早午晚餐，令你酒店過一個高級享受既staycation！

9月精選Staycation 奢華住宿餐飲優惠

1. 奕居 The Upper House

每個人都有佢自己享受staycation既一套方式，但如果你係電影愛好者，又好想係一個舒適既私人空間睇電影既話，奕居會係你既好選擇！今次奕居推出呢個staycation優惠package中可以無限點高清電影同爆谷，邊食邊睇電影！睇完電影想活動一下身體都無問題！星期六同日或者每月既第一個星期一都可以參加團體健康班。

奕居 The Upper House staycation優惠內容 HK$3,080起

入住日期：即日起至2021年10月31日

• 迎新禮品
• 於Salisterra享用雙人早餐
• 免費Maxi-Bar （酒除外）
• 無限點播客房高清電影及爆谷
• 團體健康班（星期六及日、每個月第一個星期一）
• 免費24小時健身室

預訂網址：＜點此＞

2. 香港黃金海岸酒店 Hong Kong Gold Coast Hotel

雖然無得出國旅行，但係香港staycation都可以搵到渡假既樂趣體驗。坐擁迷人海景既黃金海岸酒店會係你遠離喧鬧既市中心，享受大自然既景色。黃金海岸酒店推出staycation優惠，包連露台住宿一晚仲有早餐及晚市配美酒，讓你盡情係酒店放鬆心情。

香港黃金海岸酒店 Staycation優惠內容 HK$1,650起

預訂日期：2021年9月10至11月27日

入住日期： 2021年9月13日至11月30日（不適於指定日子）

• 豪華海景客房連露台
• 雙人晚市套餐及美酒
• 雙人早餐
• 免費迷你酒吧（六罐罐裝飲品）

預訂網址：＜點此＞

3. 香港君悅酒店 Grand Hyatt Hong Kong

君悅酒店推出數個staycation優惠方案，貼心讓你選擇最適合你理想中既staycation。Staycation package主要係晚餐有唔同選擇，包括雙人燒烤自助餐、茶園自助午餐、扒房之選。女士們可能會喜歡staycation package中包價值HK$1,000水療消費額，而每位小童登記住時都有一張雪糕券。

Staycation package內容及預訂：＜點此＞

4. 富衛1881公館

相信唔少人都會去過1881度影相，特別聖誕節既時候，1881掛滿燈飾。有冇諗過住係入面係咩感覺呢？1881除左建築風格都充滿英倫風之外，房內既家具及佈置都係悉心挑選打造異國風情，有別於一般傳統酒店既格局。宜家1881推出既staycation優惠仲有埋免費參加遺跡之旅，讓你係呢個staycation之中一邊享受高級住宿同了解古跡。

富衛1881公館 staycation優惠內容 HK$5,500起

入住日期：即日至2021年11月30日

• Lubuds集團指定餐廳$$100現金券（總值$2,400）
• 免費遺跡之旅
• 雙人早餐
• 於The Cell享用”Kick Start”威士忌
• 下午茶
• 雙人3道午餐
• 生日/紀念日禮遇

預訂網址：＜點此＞

5. 半島酒店 The Peninsula Hong Kong

想係酒店好好渡過一日既話，半島酒店推出既「品味半島」初夏住宿禮遇，豪華住宿包三餐！Staycation package方面係分開三個唔同用餐地點，大家可以按住自己想意願挑選最適合你既staycation啦！

半島酒店staycation優惠內容 HK$2,728起

預訂日期：即日至2021年12月15日

入住日期：2021年8月24日至12月19日（不適用於8月27至31日、9月4日、9月11日、9月18日、9月20至22日、9月25日、10月1日及10月14日）

• 半島早餐
• 雙人晚餐（分別有客房用餐、大堂茶座、嘉麟樓）
• 半島雙人下午（可帶回家）

預訂網址：<點此＞

6. 文華東方 Mandarin Oriental

講到要有一個奢華staycation，文華東方實唔會令你失望。位於中環核心地區既文華東方，無論係酒店服務定係酒店內既餐廳都屢獲無數獎項，係實至名歸既五星級酒店。另外，位於干諾道中5號的文華東方並非檢疫酒店，係皇后大道中既置地文華東方先係檢疫酒店， 大家可以放心展開你既staycation之旅。

宜家文華東方推出左9月staycation限時優惠，包1晚豪華住宿，雙人早餐，雙人晚餐，可以最遲3點退房，仲有Sabon禮遇。唔單止可以係文華東方享受奢華staycation，仲有Sabon身體護理組合（價值280元），手部護理體驗卡（價值1,500元），2張Sabon HK$100現金券。

文華東方9月staycation優惠內容 HK$2,310起

預訂日期：2021年9月6日至2021年9月23日9:00am（仲有三日，各位有興趣既朋友要把握機會！）

入住日期：2021年9月7日至2021年11月15日

• 雙人早餐
• 三道菜雙人晚餐
• 退房時間最遲下午3點
• 套房賓客可享文華閣專屬禮遇
• Sabon禮遇（只適用於9月或10月入住之賓客）

預訂網址：＜點此＞

7. 四季酒店

四季酒店又名望北樓，同樣係非常著名既頂級酒店，大部分客房都可以飽覽維港同九龍半島景色。如果生日或者紀念日入住既話，四季酒店仲會贈送驚喜禮遇，係生日或紀念日staycation之選。而且四季酒店推出staycation package中入住既豪華客房，配有大型浴缸，可以浸浴一解平日既勞累。

四季酒店staycation優惠內容 HK$3,080起

入住日期：即日起至2021年10月31日

• 雙人早餐（加$148+10%/每位可升級至自助早餐，現場付）
• 生日或紀念日可獲驚喜禮遇

預訂網址：＜點此＞

中秋佳節除左賞月之外，睇花燈亦是中秋傳統活動。今次小編就介紹5大中秋花燈好去處，包括大澳水鄉花燈節、黃大仙中心三點五米高巨型花燈、新都會廣場有巨貓cat walk、希慎廣場3米高燈籠陣、觀塘裕民坊1.5米高巨型兔燈籠。

中秋好去處2021 中秋花燈篇

1. 大澳水鄉花燈節

大澳水鄉花燈節由「大澳非茂里」及「香港開心D」聯乘舉辦，為期三個月的花燈節將會舉行一連串活動，包括手繪燈籠工作坊、市集、文化體驗團等。成個大澳由吉慶街伸延至大澳各條小街都會掛上超過800個燈龍，而燈龍係由區內街坊幫繪畫。由9月11至9月30日期間，每晚6點半就會亮起花燈，記得mark低時間到時瘋狂打卡影相啦！

亮燈日期及時間：2021年9月11至9月30日（6:30pm – 9pm）

地點：大澳吉慶前街

2. 黃大仙中心「燈映秋夕」

黃大仙中心連同黃大仙祠聯同舉辧大型中秋花燈活動，今年亦係黃大仙祠創立一百周年，特別推出「嗇色園黃大仙祠百周年紀慶花燈廟會」，所以無論商場定係祠堂內外都設置大量花燈。由即日至10月4日，黃大仙中心設置高3.5「燈映秋夕」巨型花燈互動裝置，裡面有多組天燈同多角度鏡子，天燈更隨住大家既動作而改變顏色，如走進萬花筒世界。另外9月18日至9月24日，黃大仙祠花燈廟會有攤位遊戲，集齊印章可獲得天燈小禮品一份。

3. 新都會廣場 喵喵遊園會Meow Plaza

貓奴們有福啦！新都會廣場於9月12日至10月31日期間舉行「喵喵遊園會Meow Plaza」，6大超萌打卡位包括360度零死角巨貓cat walk準備踏上16米長喵之秋橋，想拍攝巨貓最佳位置係空中花園既「貓貓瞭望台」，有25隻喵星人聚集既癒喵島，以及每晚限定夢幻彩光騷。鐘意貓貓既你可以係Meow Plaza盡情同貓貓享受中秋節啦！

活動日期：2021年9月12日至10月31日

活動時間：上午10時至晚上10時

活動地點：新都會廣場L3 – L4露天廣場及L5空中花園

夢幻彩光騷舉行時間：晚上6時至10時

4. 希慎廣場 「月圓相聚」

希慎廣場4樓特意打造「聚．團圓」燈籠陣，走進3米高，超過500個色彩縯粉既燈籠陣。除此之外，仲有互動裝置：玉兔追月星光座。訪客透過轉動星光座頂部既玉兔燈箱，就會睇到玉兔追月既場景，活靈活現。中秋節不可少得就係猜燈謎，希慎廣場設計「聚．嬉月」猜燈謎遊戲，只要掃一掃QR Code就可以線上猜燈謎。

5. 恆香 ‧ YM2 中秋綵燈會

由 2021年9 月3日至26日期間，恆香與裕民坊 YM2活現中秋文化傳統。除左有500個傳統傳統燈籠打造綵燈隧道，仲有1.5米高巨型兔燈籠，以霓虹燈代替掛於燈籠上既趣緻燈謎，「外國人沖涼」、「老婆婆電髮」、「唔開燈計數」、「餐廳廿四小時營業」你又估得岩幾多個呢？

中秋節除左室外活動既賞月之外，如果大家鐘意行街可以選擇行下中秋市集。小編為大家介紹幾個市集，包括同Youtuber熊仔頭聯乘合辧市集、南豐紗廠Marketoo x 腔叔大型中秋市集、尖沙咀Mira Place同The One、灣仔茂蘿街同利東街都分別舉行市集。記得Mark低時間地點到時行下市集血拼啦！

中秋好去處2021 市集篇

1. 麥田捕手 x FHProduction – 秋日文化祭2021

人氣Youtuber《FHProduction》聯同麥田捕手一齊舉辦秋日文化祭！成個市集都以熊仔頭同日本祭典元素混合而成。當中有一個2.5米高熊仔頭大月亮，必去打卡之選。由於市集期間實施特別人流管制措施，市集將分為D2 Place ONE 2/F The Space 和 D2 Place TWO G/F The Garage 兩個部分。

FHProduction 將會於D2 Place TWO The Garage 推出限定店、水燈許願池、熊仔頭繪馬架、巨形熊仔頭月亮、祈願盒子、手繪面具工作坊。最特別係秋日文化祭2021提供和服租用體驗，即使無得去日本，都可以著和服瘋狂打卡影靚相啦！

市集日期：2021年9月18日至20日（星期六至一）

市集時間：13:00-21:00

市集地點：D2 Place

2. Marketoo x 腔叔 Fly to the Moon

南豐紗廠將於9月18至19日舉辦大型中秋市集，所有入場人士都可以免費得到由腔叔設計「經濟艙位禮包」，集齊三個印章更可升級至「頭等艙位禮包」，每個禮包均有神秘禮物。

市集參與的本地品牌近200間，有不同種類的手作，有銀飾、耳環、Bagel、永生花精品、陶器、精品擺設、皮茸製品、小食等。除左行街買野，又點少得四大特色手作工作坊，包括霓虹燈工作坊、香水工作坊、月餅燈籠工作坊、流體畫工作坊。做下手工紀念中秋節。而且南豐紗廠係寵物友善市集，中秋佳節帶埋你心愛既毛孩一齊體驗節日氣氛。

市集日期：2021年9月18日至19日（星期六至日）

市集時間：13:00-20:00

市集地點：荃灣白田壩街45號 南豐紗廠 3樓紗廠公園The Park & M樓室內

網址：＜點此＞

3. SOHO MARKET FULL MOON MARKET

位於尖沙咀有市集圍繞月滿/中秋主題的原創手作、應節食品、花藝布藝、盆景植物、鈎織皮革、咖啡花茶、烘焙糕餅、護膚肥皂以及寵物飾品等手工創作。

市集日期：2021年9月18-19, 21-22, 25-26日

市集時間：12:00-20:00

市集地點：尖沙咀彌敦道100號 The ONE UG2中庭

網址：＜點此＞

4. Mira Place x LOCOLOCO 圓創中秋市集

尖沙咀Mira Place舉行《圓創‧ 中秋市集》，主要出售同中秋及賞月相關既手作產品，以及各種應節食品及包裝食品如曲奇、各種零食等，之後就可以就一邊食一邊賞月。當中必睇「椛」的盆景設計及微景觀生態、「C’est la Vie COFFEE」的咖啡豆及咖啡道具、「wonderfulgarden」的押花手作，以及「Kakagreen」天然護膚產品，種類頗多元化。

市集日期：2021年9月18-19, 22日

市集時間：12:00-20:00

市集地點：尖沙咀美麗華廣場B1中庭

網址: ＜點此＞

5. 人月兩豚圓 中秋主題市集

係茂蘿街既市集有大量唔同類型既活動，包括集合50多個本地手作攤位，本地同台灣插畫師聯乘推出既扭蛋區，隨機筆友明信片活動、古典即影即有影服務體驗，係呢個中秋佳節留住你既倩影。仲有集點遊戲，市集限定紀念品及打卡位。除左影相買野，仲有7個工作坊可以參加：製作燈籠、沙瓶畫、浮空中的永生花、水晶土彩虹瓶、風鈴、拇指琴及海棠花瓶子夜燈。

市集日期：2021年9月18-19日

市集時間 : 13:00-20:00

市集地點 : 灣仔茂蘿街7號 – G/F (戶外空間)、G/F 及 2-4/F (室內空間)

網址：＜點此＞

6. 麥田捕手假日市集 x Make-A-Wish – 慈善市集 利東手作街

麥田捕手假日市集聯同「Make-A-Wish Hong Kong 願望成真基金」，除左有手作工作坊，市集更集合本地手作及設計品牌，包括純手工皮革耳環專賣店「1.eather 皮•一點」、主打手造陶器的「青木商店」、本地原創 macramé 編織飾物品牌「ootoo 」、軟陶飾物店「bi clay」等，當然唔少得中秋節慶產品，購物之餘，亦可以了解及支持「Make-A-Wish Hong Kong 願望成真基金」。

市集日期：2021年9月18-19日

市集時間 : 12:00-19:00

市集地點 : 灣仔利東街 （戶外）

7. 兩豚圓中秋文藝市集

如果你好鐘意食水產咁就一定要黎由火柴盒市集共同體主辦的兩豚圓中秋文藝市集，九號水產集食肆、食材零售、漁港探知館、烹飪工作坊於一身，家長可以帶小朋友去行逛認識海鮮知識。鐘意買野既朋友都可以係呢佔地5萬多呎的水產市場九號水產買到本地自家品牌，又可以找到來自不同國家的特色商品和手工藝品。今個中秋一於跟親朋好友一起去逛兩豚圓中秋文藝市集啦！

市集日期：2021年9月18-19日

市集時間：11:30-19:30

市集地點：黃埔天地百合苑商場第9期G1-9及G17-18號舖

仲有十日就中秋節啦，相信大家都係度諗緊中秋去邊度賞月。小編就為大家整理左港九新界多個中秋賞月選擇，有海濱長廊、公園草地等戶外靚風景，俾各位有idea去計劃黎緊既中秋節安排。希望各位無論同家人、朋友、定係伴侶有一個愉快充滿快樂回憶既2021年中秋節啦！

中秋好去處2021 賞月篇

平時生活節奏忙碌既香港人，忙著垂頭睇電話，有幾耐無好好咁欣賞過天上既月亮呢？不如就趁中秋節搵個靚位，同你重要既人一齊賞月，談天說地啦！

1. 數碼港海濱公園

住港島既朋友可以選擇環境較為清幽既數碼港海濱公園。一望無際的草地非常適合影相同野餐，仲可以帶狗狗係一個大草地自由奔放！趁著中秋時分，一個地方滿足到睇海睇日落同賞月。