台灣設計商品購物平台Pinkoi十週年啦！3年前係香港舉辦過大型實體活動，今次為左慶祝十週年，實體活動再度回歸！Pinkoi Design Fest 2021將於2021年8月27日至29日，一連三日係九龍灣零碳天地舉辦，佔地16萬呎，當中有大型市集、美學展覽、破格全新打卡點、香港插畫家現場為車身作畫、Miffy同SNOOPY主題快閃店以及台灣美食街！而且入場即送限量布袋及望月月餅！

Pinkoi 突發消息(27/8/2021更新)

因天氣不穩定因素，Pinkoi Design Fest 2021 – 香港站將延期至 10 月至 12 月期間舉行，確實日期及地點將容後公佈。

所有持有早鳥門票之人士可於 28/8 至 29/8 11am – 6pm 入場，於室內觀賞 Pinkoi x XCEPT 沉浸美學展覽《海濤浴》。
➤ 入場觀看展覽人士，均可憑票換領入場禮物包（包括 Pinkoi x 望月特別版月餅換領券乙張，每張可於指定時間及地點換領月餅乙個），數量有限，先到先得。
➤ 不論有否入場觀看展覽，所有早鳥門票仍然生效，客人可於延期之 Pinkoi Design Fest 憑現有門票入場，無須重新購票。
➤ 為感謝每一位保留早鳥門票人士的支持，每保留一張早鳥門票，Pinkoi 將回饋價值 HK$30 之 P Coins（900 P Coins）至購票帳號，作日後購物之用。

Pinkoi Design Fest 2021 8大特色 活動詳情一覽

Pinkoi十週年舉辧全球首個「Pinkoi Design Fest 亞洲巡迴展」實體活動，係2021年8月27日至29日九龍灣零碳天地舉行，場內有超過100間台港特色攤位，展覽，主題館，打卡點等等。

1. 入場即送限量布袋及望月月餅

Pinkoi入場送總值超過HK$100既禮物包，當中包括：

• Pinkoi 10 週年特別版帆布袋乙個（每日限量 1,500 個，送完即止）
• 望月月餅乙個（送完即止）
• 總值 HK$ 35 優惠券（適用於活動現場及網上消費）
• Bioguard 消毒濕紙巾乙張

2. 全新購物模式-Pinkoi Pay/Atome

過百個攤位買野唔洗用現金！使用Pinkoi APP的Pinkoi Pay內置支付方式，可綁定信用卡或扣帳卡，現在掃一掃就得，而且活動期間首筆消費滿$50減$10！另外Atome係香港首個先享後付App，為用戶提供免息3付款。26/8或之前完成註冊，更可於活期間享高達$70優惠！

3. Pinkoi × XCEPT 沉浸美學展覽《海濤浴》

香港新媒體藝術團隊 XCEPT 為 Pinkoi 度身訂造創新的「XCEPT × Pinkoi 沉浸美學展覽」，以「10 Times Better ME」的概念出發，演繹沉浸式空間藝術《海濤浴》，帶來十倍美好的想像，一生僅此一次的非凡時刻。

4. Pinkoi x MINI 破格全新打卡點

Pinkoi同國際知名汔車品牌MINI合作，同本地設計師Sunny Wong帶來一個驚喜打卡位，記得Tag返#PinkoiDesignFest！

5. 本地插畫家現場作畫

係8月28日（星期六）2點至4點，Pinkoi邀請到本地獨立插畫家，同時是搖滾樂隊觸執毛及 R.O.O.T 的主音 Jan Curious（阿水）於活動現場在 MINI 車身作畫。

6. 初次披露 Pinkoi × Noritake 獨賣聯乘系列

為了慶祝 Pinkoi 10 歲生日，團隊特意邀來日本人氣插畫家 Noritake，從「In The City」出發，以香港、台北、東京三地為題，親自監修 Pinkoi x Noritake 獨賣聯乘系列。實物將首次於會場曝光，萬眾期待！

7. miffy、SNOOPY 主題快閃店

miffy同Snoopy既Fans要注意啦！記得去主題快閃店到買心頭好啦！

8. 台灣美食街

購物又點少得買美食返屋企呢？無得去旅行既香港人係咪好掛住台灣既美食呢？Pinkoi貼心推出台灣美食街，可以選購20個來自台灣既美食品牌，超過100款美食！

由於九龍灣零碳天地佔地都好大，為左更有效率去行哂咁多個地方，唔好錯過每一個店舖，大家可以先睇睇活動地圖，內含包括市集品牌名單。<活動地圖點此＞

Pinkoi Design Fest 2021 香港站

日期：2021 年 8 月 27 日至 29 日（星期五至星期日）

時間：11:00 AM – 6:00 PM（最後進場時間為 5:30 PM ）

地點：九龍灣建造業零碳天地

票價：早鳥 HK$25｜現場 HK$30

※ 新客戶於網上購買早鳥門票，即享 HK$10 折扣優惠 ※

<立即購票>

*重要備註*
1. 活動只限 Pinkoi 會員進場，入場前必須向工作人員展示 Pinkoi APP 的會員登入頁。
2. 12 歲以下小童由一位成人陪同下、65 歲或以上的長者及殘疾人士可免票入場。
3. 寵物只能以寵物車、袋、手抱方式進入活動場地

無論想要一個舒服的生活環境還是為了子女升學前途想著，很多人都會考慮移民，創造另一片天。移民是一件終身大事，而且需要大量資料搜集。因應移民需求大增，國際移民及置業博覽將會在8月28日至29日舉行第二屆，是香港首個針對移民人士的大型展覽。是次展覽提供一站式咨詢平台，讓你有效率地獲得超過20個移民熱門國家的資訊，包括海外置業、海外升學、購買保險等，還可以參與專家講座，為移民作好最佳最全面的準備。

國際移民及置業博覽（IMMI Expo）

這次展覽在會議展覽中心5G廳，佔地接近4,000平方米，超過100個參展商參與。有興趣的朋友可以先免費登記入場，之後將收到由系統發送的QR 碼。請㩦同電子版或紙本版帶同QR碼進場，每個QR 碼只能使用一次。

登記入場券可優先預留40場免費移及海外置業講座，例如加拿大、英國、美國、澳洲、東南亞等國家，有專家為剖析最近移民及海外置業趨勢。參展商名單包括景鴻移民顧問、胡康邦移民顧問、美聯移問顧問，也有關寵物移民的資訊，如果家中有毛孩的話一定要參觀一下啦！

展覽日期：2021年8月28至29日

開放時間：8月28日（六）：早上10時 – 晚上8時／8月29日（日) : 早上10時 – 晚上7時

展覽會場：香港會議展覽中心5G廳

參展商名單：點此

以下圖片為上屆內容

資料來源：移民展 | 國際移民及置業博覽 | 香港 (immigration-expo.com)

荔枝角D2 Place週末市集深受大家歡迎，經常會有好多新奇有趣既市集推出。今個8月仍然有大量唔同主題既精彩市集推薦俾大家。D2 Place 8月週末市集主題包括：由轉運公司首辦市集，最吸晴活動一定係$1拍賣Apple產品，出前一丁63週年主題市集，90後共嗚回憶市集。大家記得mark低時間到時去睇下啦！

荔枝角D2 Place 週末市集 8月市集懶人包

1. Marketoo x Majeh主題市集

Majeh兩位插畫家 及 Youtuber Redispolly 將現身市集同大家見面同影相。而且所有入場人士可以免費獲贈由Majeh設計”25+必做的事”，記低你未來必做既事情，唔好忘記自己既夢想同願望。大家一齊係Majeh活動內體驗返90後既回憶同共嗚啦！

地址：D2 Place 一期2樓 The Space

日期：2021年8月14-15日

時間：1:00pm-8:00pm

2. 「焫著。辣著」盛夏市集

知唔知夏天為大地帶來咩野呢？無錯啦！就係市集啦！大量香港本地品牌、手作手藝產品，想係呢個夏天熱情購物，一定要去盛夏市集啦！

地址：D2 Place二期G/F The Garage

日期：2021年8月14-15日

時間：12:00pm-8:00pm

3. LIFE MART x 出前一丁 – 即食麵誕生紀念主題市集

黎個小知識分享俾大家，第一包即食麵係由安菔百福先生係1958年8月25日創製，至今已經踏入63週年啦！日清食品係呢個大日子聯乘LIFE MART會作舉辦主題市集。相信唔少香港人都係食出前一丁長大，大家不妨去行下啦！

地址：D2 Place 一期2樓 The Space

日期：2021年8月21-22日

時間：1:00pm-8:00pm

4. 「世界太大，我全都要買」Buyandship創業市集

呢個市集可能係全球第一個由轉運公司主辦！市集搜羅全球各地既貨品，就算無得去旅行都可以買唔同地方既貨品！而且最精彩既活動一定係$1拍賣活動，當中更有Apple Watch、Apple TV、AirPods，想買平Apple產品一定要去睇下啦！

地址：D2 Place二期G/F The Garage

日期：2021年8月21-22日

時間：1:00pm-8:00pm

5. 白紙市集 X 出前一丁 X 厚面子

白紙市集今次陣容強大，唔單止有出前一丁仲有厚面子，白紙市集係呢次活動入面構思左好多有趣idea，務求令大家係市集可以玩轉即食麵63歲party！

地址：D2 Place 一期2樓 The Space

日期：2021年8月28-29日

時間：1:00pm-8:00pm

資料來源：D2 Place－週末市集

張家朗男子花劍冠軍 香港第二面奧運金牌

香港代表張家朗在東京奧運男子花劍比賽中，以15:11擊敗上一屆金牌意大利選手加路素，勇奪香港史上第一面劍擊奧運金牌，繼1996年「風之后」李麗珊之後，香港史上第2面奧運金牌！

張家朗早在五年前里約奧運已經代表香港出賽，在16強不敵巴西劍手古希美托度止步。如今的「少年劍神」今非昔比。

先後在32強以15：12戰勝法國33歲Julien Mertine，連續2屆打入16強後又以15：3大破前世界冠軍兼世界第一的意大利名將Alessio Foconi，昂然晉身8強面對俄羅斯奧委會代表Kirill Borodachev，落後9：14下連贏6劍，以15：14驚天逆轉，決賽中以15:11擊敗上屆金牌意大利加路素。

再一次恭喜張家朗奪金！

所有香港運動員加油！繼續支持香港運動員！

Trip.com推出獨家景點套票優惠，任選2個景點都只係$239起，小童更低至$179。人氣景點包括：海洋公園、屁屁偵探展、昂坪360、挪亞方舟 、連好少有折既LEGOLAND都有份！而且景點門票使用日期仲可以慢慢揀，唔洗同日使用，可以慢慢安排時間以超優惠價玩轉2個景點。

玩轉兩個景點只需 HK$239 起！ 獨家門票 Double 優惠低至6折

銷售期: 2021年7月15日 至 2021年8月1日

優惠套票兌換日期（優惠代碼）：即日起至 2021年8月15日23:59

購票網址：Trip.com

海洋公園、屁屁偵探展、昂坪360、LEGOLAND 等人氣好去處任你揀

各景點門票可使用日期：

海洋公園夏日限定優惠門票 – 2021年8月31日前自選一天預約使用（實際入場日期請參考官方網址）

全新多媒體互動體驗館 「探索號R」登陸海洋公園威威天地！體驗館將讓三至九歲小朋友利用新科技進行學習，透過一系列有趣又刺激的互動虛擬遊戲，讓小朋友從而發掘動物如何適應變化萬千的自然環境。

挪亞方舟入場門票（香港本地居民專用） – 兌換時可選擇2021年12月31日前之日期（即日入場需於下午16:45前預訂）

今個暑假，變身小機師，一齊飛入亞馬遜，挑戰你身手與智慧的動感體驗。再參加野趣手作坊及探究動物生態，一同邊玩邊學，啟迪環境保育精神。更可享用豐盛美饌及奇趣主題住宿，留下難忘「森動」回憶！

昂坪360纜車來回標準車廂預售門票 – 兌換時可選擇翌日（需提早一日下午15:30前完成兌換）至2021年12月31日前之日期

360度欣賞大嶼山風景，天壇大佛、赤臘角機場和南中國海盡收眼底

LEGOLAND®樂高探索中心入場單門票 – 兌換時可選擇1個月內之日期（可選擇時段，請參考產品頁）

由成千上萬塊樂高積木打造，以親子為主的室內遊樂場，設10個主題區，更可觀看各款用樂高積木砌成的香港名景點，盡在樂高迷你天地 MINILAND

屁屁偵探特展購買型入場門票 – 兌換時可選擇2021年9月26日前之日期（即日入場需於下午20:00前預訂）

瘋魔萬千小朋友的屁屁偵探已登陸將軍澳中心，快點加入屁屁偵探一齊破案捉兇手！

咁多組合入面，特別推介大家海洋公園+昂坪360套票（2個景點組合原價：HK$793），兩款熱門門票加埋都係 HK$499，低至63折，啱曬情侶或家庭出遊

而親子就推介 LEGOLAND＋屁屁偵探展（2個景點組合原價：HK$378），平時兩個景點都賣開公價，今次有優惠只需 HK$359 就可以玩曬，真係非常難得，限時必搶！

購票網址：Trip.com

【美食博覽會2021】上年美食博覽會因疫情取消，各位美食家唔洗失望啦，今年終於可以再次舉辦！美食博覽會2021將於8月12日至16日係灣仔會展舉辧，票價最低10元起。另外仲有4個展覽包括茶展、家電家品、美與健生活博覽同埋中醫藥及健康產品會議同期同地舉行。

美食博覽會2021 簡介

舉行日期：2021年8月12-16日 （由星期四開始至星期一）

地點：灣仔會展

展覽內容：美食博覽公眾館、尊貴美食區、香港國際美酒展(特別展)、香港國際茶展、家電．家品．博覽及美與健生活博覽

美食博覽會2021 入場費及開放時間

8月12日至8月15日期間，公眾館開放時間為早上10:00至晚上10:00，8月16日開放時間由早上10:00至晚上6:00；而尊貴美食區就只開放8月12日至15日，同樣早上10:00至晚上10:00。想去尊貴美食區既朋友就注意返日期啦。

票價方面分為三個價位。8月12日至8月15期間中午12點前入場或晚上6點後入場只需HK$10，追加$15可進尊貴美食區。如果其他時間入場的票價是HK$25，想進入尊貴美食區就可以選擇票價HK$40。（票價詳情點此）

美食博覽會2021購票方法

$40同$25門票都可以係全線7-11、OK便利店、快達售票網有售，$25門票亦可以係會場用八達通收費。注意事項： 各 7-11、OK 便利店及快達票售票網將於 2021 年 8 月 12 – 15 日下午 6 時及 8 月 16 日下午 2 時停止發售即日所有進場票。

而12點前同6點後入場既優惠門票只限於會場入口收費用八達通收費入場。

3 歲或以下小童及 65 歲或以上長者免費進場。

展覽會每日關閉前45分鐘都會停止售票及進場。

資料來源：簡介 | 香港貿發局美食博覽 2021 (hktdc.com)

唔少熱愛海洋既朋友都會選擇出國浮潛，雖然今年出國無望，但香港其實都一樣唔錯既浮潛推介俾大家。

趁呢個夏天，可以認識一下香港既海洋環境。今次推介既浮潛活動係西貢橋咀島，每人185元包船費同浮潛裝備，而且7歲起就可以參加，浮潛體驗更有2-2.5小時，適合一家大小一齊跟住導賞員一齊暢游西貢海，同香港既海洋生物及過百種珊瑚魚，包括：海海葵、珊瑚礁、海星及海膽等，黎一個親密接觸，色彩斑爛的熱帶魚就係你身邊穿梭！

是次活動有2個時間可供大家選擇。

浮潛初體驗上午班：集合時間：9:30am

呢個暑假雖然無得出國，幸好海洋公園已經開放返。海洋公園門票推出限定「開SUM夏日入場證」，持有人可以係2021年6月21日至9月30日期間任何日子都可以進場。而且無「除外」日子，無限次入場，唔洗每次入場都要買海洋公園門票啦。

只要同時購買3張即再有9折！又或者海洋公園「無限次入場證」持有人憑舊有「無限次入場證」都有9折！仲唔啲約埋成班朋友一齊玩，一齊享有折扣！有左海洋公園無限次入場門票，想點玩都得啦！

海洋公園 – 開SUM夏日入場證​ (無限次入場)

注意：如果你係「無限次入場證」持有人憑舊有「無限次入場證」購買的話，享有9折優惠暫時只適用於海洋公園現場申請。

買海洋公園SUM夏日入場證​仲有即買即送豐富禮遇！

資料來源：海洋公園

5月優惠仲未完呀！今次由Trip.com突然加推海洋公園(Hong Kong Ocean Park)門票優惠。由5月28起至31日，海洋公園門票有42折，只需要$228就買到，仲送埋Haagen-Dazs迷你雪糕杯。邊玩邊食！

大家可以透過以下網址買票，必須提前網上預約入場日期，而且無門票都可以先預約再購票。快啲同朋友或者另一半傾下邊一日去海洋公園玩囉！

<購買門票點此>

海洋公園

放假唔知去邊度好？行shopping mall行到悶？一天遊有邊度好玩？為大家介紹「香港小桂林」印州塘，多角度欣賞世界地質公園。穿越 4 億 2 千萬年前的土地，細看認識世界地質公園沉積岩園區，途經馬屎洲＞船灣淡水湖＞三杯酒＞八仙嶺＞鬼手岩＞紅石門＞印洲塘。資深生態導師沿途講解香港生態概況，令您進一步認識你意想不到既香港。

【香港一天遊】

印洲塘、荔枝窩、地質公園、塔門島嶼遊

荔枝窩百年圍村．唯一魚藤林．鴨洲．鬼手岩．塔門大草坪

景點介紹：

荔枝窩紅樹林及濕地

1979年被列為具特殊科學價值地點，因為該處特殊地理生態令該地擁極高生物多樣性

荔枝窩客家圍村

已擁有400年的歷史，是香港少見的客家圍村代表。

白花魚藤林

魚藤 (Derris trifoliata Lour.) 是豆科魚藤屬之攀援灌木，共有70多種，常見於熱帶地區。因含有毒性，舊時農民以魚藤當作農藥，用以驅除害蟲。荔枝窩海岸的白花魚藤林係香港唯一魚藤林。藤蔓植物可粗到似大人腰圍。而藤蔓生長在樟樹同銀葉樹之間，甚為奇特。

鴨洲

鴨洲香港有人居住而面積最小的島嶼，1950年代曾有居民逾千人，後來大部分移居海外或遷至市區。雖然漁村只有短短的70多年歷史，卻留下豐富的文化與歷史故事。有別於篤信「天后」或「洪聖」的其他漁村，鴨洲全部居民都信奉基督教。鴨洲擁有獨特的地質環境，出露了香港罕見的褐紅色角礫岩。位於島嶼北端的海蝕拱是非常受歡迎的地質景點，也是香港少數能夠近距離接觸的同類型地貌特徵。

塔門

是香港一座位於大灘海、大赤門及大鵬灣之間的島嶼，地理上幾乎全被郊野公園包圍的，行政上屬於大埔區，鄰近西貢半島西貢北，面積達1.69平方公里。塔門東面是以獅子滾球為著名的弓洲；南端是塔門口和高流灣；北端是赤洲口和赤洲；西端是大灘海和灣仔半島。

塔門海傍街

從碼頭到岸後，會發現當地居民營業的魚乾蝦乾檔攤。海傍街也有5-6家茶餐廳成排營業。

天后古廟

位於塔門市墟市內大街尾的塔門天后古廟，建於明末清初，至今有近 400 年歷史。塔門作為一個小島，以前居民多以捕漁為生，天后可保漁民出海平安，因此天后廟對塔門居民來說就極為重要。傳說天后廟是建於一塊靈石之上，因為建廟前此靈石曾經可以準確預測颱風，當地居民認為是天后娘娘顯靈，天后廟便從此植根於此。天后廟旁有水月宮，內裏供奉著一座觀音雕像。現在這兩座廟經過多次的翻新，看起來新簇簇，誰又猜想得到它們已有如此悠久的歷史。

山頂觀海亭及大草坪

沿著已荒廢的瓊林學校左邊的小徑一直走，眼前迎來一片遼闊的草原，這時你大概可以理解，為甚麼塔門的另一個英文名字叫做「Grass Island（草洲）」了。草地上牛群遍野，你可以在這裡野餐小休，或者在山坡上的觀海亭享受明媚風光。

疊石

岸邊兩塊呈「呂」字形、上下堆疊起來的方石，高約六公尺，神奇地屹立不倒。疊石遠觀外形酷似佛塔，加上附近的塔門洞，整個看起來猶如一道門迎向大海，所以古人稱這個島為「佛塔門」，後來簡稱塔門。

漁民新村及榕樹村

環島遊最後會途經這兩條村莊，村民寧靜的生活步調會讓你恍如置身世外桃源。

5 月 1 日至 8 月 31 日．逢三、六、日出發

報團網址: ＜點此>