去啦！比卡超！相信寵物小精靈中既比卡超同其他小精靈都係大家心中佔一席位既童年回憶。Uniqlo係之前已經同Pokémon合作聯乘過，黎緊8月底再一次合作！Uniqlo係玩聯乘合作方面實在非常出色，相信可以帶俾大家驚喜同話題。今次以Uniqlo Pokémon Meets Artists UT系列，邀請到來自日本的山口歷同埋英國James Jarvis兩位國際級藝術家進行三方合作，用充滿藝術氣息既手法為大家獻上一眾寵物小精靈。
Uniqlo Pokémon Meets Artists UT
Uniqlo Pokémon Meets Artists UT將於8月23日正式在Uniqlo門店同網絡旗艦店登陸。呢個系列有成人、童裝類別，主打運動衛衣同埋短袖印花 T 恤，無論男女老幼都有份，而且價錢介乎於HKD$99-149。又靚又抵買。
山口歷筆下的Uniqlo Pokémon
日本代表山口歷多以取其形態，其設計都無明確顯示寵物小精靈既外貌，只係用簡單既線條勾畫出小精靈既神髓，再係線條邊界內外進潑墨。
James Jarvis筆下的Uniqlo Pokémon
James Jarvis以可愛形式呈現小精靈，凌亂中帶有動感既畫風畫出比卡超可愛既模樣、耿鬼少少奸又好抵死既樣、卡比獸肥嘟嘟既樣、好似吶喊中既傻鴨。
如果鐘意寵物小精靈Pokémon既朋友記得買返件啦！