標籤: 西九龍好去處

【西九龍好去處】M+博物館 11月正式開幕 首年免費入場展廳

西九龍海濱長廊除左係散步、野餐或者睇日落既好地方之外,宜家又多一個必去景點啦!西九龍M+博物館將於11月12日正式開幕,宜家開始已經接受公眾網上預約,而且開幕首年免費進入展廳!M+博物館有約17,000平方米,33間展廳,屆時會有唔同展覽、表演藝術、講座及研討會等等活動舉辧。

西九龍M+博物館開幕展

開幕展由六個專題展覽組成,展示出M+博物館由2012年開始蒐羅M+藏品系列內的視覺藝術作品、流動影像作品、設計品、建築項目、檔案藏品。展覽分別為:香港:此地彼方M+希克藏品:從大革命到全球化物件・空間・互動個體・源流・表現安東尼・葛姆雷:亞洲土地博物館之夢。除主要展廳外,M+將在大樓不同公共空間如M+幕牆、大台階、工作室、天台花園和「潛空間」展出一系列委約作品和展示。

除左M+博物館本身既展覽廳之外,大家亦可以到大樓內的CURATOR Creative Café at M+,CURATOR從韓國引入食用彩色印刷技術,只要上載你想要既影像,就可以成為你獨一無二既特飲,仲可以飽覽獨特維港景色。

 

M+博物館入場預約

M+博物館將於11月12日(星期五)早上10時開放。有興趣參觀開幕既朋友要注意,官方強烈建議訪客先進行預約,因為視當日人流而定,能否俾無預約既訪客入場。由宜家開始已經可以預約啦!(六歲或以下的小童毋須預約)

預約網址:<M+博物館預約>

從博物館開幕日起計一年內,所有訪客都可免費參觀M+展廳(特別展覽和活動除外)。

M+博物館開放時間:10:00am-6:00pm (星期二至四、週末及公眾假期)/10:00am-10:00pm(星期五)/星期一休館

M+展廳的最後入場時間為閉館前30分鐘

資料來源:歡迎來到M+ | M+ (mplus.org.hk)